Rhüthmushüpfer

HOMEPAGE

D Rhüthmushüpfer (RH) si 1983 aus Chinder- und Jugendgugge vor Fasnachtsgseuschaft Ittigen-Bolligen (FGIB) gründet worde.

Einzelni Mitglieder si sit dere Zyt derbi und betrachte d RH's aus ä Teil vo ihrer Familie.

D FGIB isch üse Dachverein, wo us mehrerne Stammgruppe besteit (Alti Garde, Bottistamm und dä Guggemusige Notehüpfer, Rhüthmushüpfer und Notegrübler. Leider isch mitem Umbou vor Festhaue Rain in Ittigen ou üsi Fasnacht ds änd gange.

Wie chöme mir druf in Schönbüehl mitzmache? Ja, ganz eifach. Doh heisech zwöi im Bus 36 lehre kenne und so isch dr Kontakt zwüschem Fasnachtsverein Moossi und dä Rhüthmushüpfer entstande. Nach es paar Sitzige und em eidütige JA vor aune Mitglieder, isch de klar gsi, das mir dr Fasnachtsverein Moossi musikalisch chöme cho ungerstütze.

Es fröiit üs, jetz e Teil vor Schönbüehler Fasnacht dörfe dsi.

Dir gfaut Guggemusik und du wetsch ou e Teil vo üs wärde? De mäud di doch via Kontaktformular bi üs. Und übrigens: Vorkenntnis si nid notwändig, mir bringes dir bi.

Öii Hüpfer